ग्राहकहरुका लागि टेलिकमको अनलिमिटेड भ्वाइस र डाटा प्याक अफर

Feb Mon 2020 05:53:52

884 views

ग्राहकहरुका लागि टेलिकमको अनलिमिटेड भ्वाइस र डाटा प्याक अफर

टेलिकमले आफ्ना ग्राहकहरुका लागि विभिन्न दरका अनलिमिटेड भ्वाइस र डाटा प्याक उपलब्ध गराको छ । 

एक घण्टा अनलिमिटेड प्याक
२० रुपैयाँमै उपलब्ध यो प्याक एक्टिभ गरेपछिको १ घण्टासम्म निरन्तर भ्वाइस, एसएमएस र डाटा असीमित रुपमा प्रयोग गर्न सकिन्छ ।

डे टाइम भ्वाइस प्याक
डे टाइम भ्वाइस प्याक अन्तर्गत १५ रुपैयाँमा बिहान ५ देखि बेलुकी ५ बजेसम्म जति पनि कल गर्न सकिन्छ । यो प्याक खरिद गरेको २४ घण्टासम्म उपयोग गर्न पाइन्छ । उदाहरणका लागि तपाईंले विहान १० बजे खरिद गरेको प्याक बेलुकी ५ बजे सम्म र भोलि विहान फेरि १० बजे सम्म प्रयोग गर्न सकिन्छ ।

अनलिमिटेड नाइट भ्वाइस प्याक
अनलिमिटेड नाइट टाइम भ्वाइस प्याक अन्तर्गत १२ रुपैयाँमा राती १० बजेदेखि बिहान ६ बजेसम्म कल गर्न सकिन्छ । रातको समयमा जति पनि कल गर्न सकिने भएकाले यो प्याक निकै रुचाइएको छ ।

अनलिमिटेड नाइट डाटा प्याक
अनलिमिटेड नाइट डाटा प्याक अन्तर्गत एक रातका लागि १८ रुपैयाँमा अनलिमिटेड डाटा सुविधा पाउन सकिन्छ । राती ११ बजेदेखि बिहान ६ बजेसम्म प्रयोग गर्न सकिने अर्का नाइट डाटा प्याक ९० रुपैयाँमा ७ दिनसम्म राती ११ बजेदेखि बिहान ६ बजेसम्म अनलिमिटेड चलाउन सकिन्छ ।

प्याक कसरी लिने ?
टेलिकमका ग्राहकले *1415# मा डायल गरेर आवश्यकता अनुसारको प्याक खरिद गर्न सक्नेछन् । तोकिएको नम्बर डायल गरेर वा एसएमएस पठाएर पनि प्याक खरिद गर्न सकिन्छ । एक घण्टा अनलिमिटेड प्याक खरिद गर्नका लागि सिधै *1415*8 # डायल गर्न पनि सक्नुहुन्छ । त्यसपछि आफूले प्रयोग गर्न चाहेको भ्वाइस, एसएमएस वा डाटाका लागि क्रमशः १, २ र ३ अंक डायल गर्नु पर्ने हुन्छ । त्यसैगरी सिधै अंग्रेजीमा FDPACK टाइप गरी १४१५ मा एसएमएस पठाउन पनि सक्नुहुन्छ ।

यसैगरी डे टाइम भ्वाइस प्याक खरिद गर्नका लागि *1415*9*2 # डायल गर्न सक्नुहुन्छ । DVUNL टाइप गरी १४१५ मा एसएमएस पठाएर पनि यस्तो प्याक लिन सकिन्छ । अनलिमिटेड नाइट टाइम भ्वाइस प्याकका लागि *1415*1*5*4 # डायल गर्न सकिन्छ । सिधै NVUNL टाइप गरी १४१५ मा एसएमएस पठाउँदा समेत यो प्याक सुचारु हुन्छ ।

अनलिमिटेड नाइट डाटा प्याकका लागि *1415*3 # ३ डायल गरेर १ दिनका लागि प्याक लिने भए १ र ७ दिनका लागि प्याक लिने भए २ अंक डायल गर्नु पर्ने हुन्छ । त्यसैगरी एक दिनको प्याकका लागि NUNL र ७ दिनका लागि भए UNL7 टाइप गरी १४१५ मा एसएमएस पठाउँदा समेत यो प्याक प्राप्त हुन्छ ।

यो खबर पढेर तपाईलाई कस्तो महसुस भयो ?