एन्ड्रोइड फोनबाट फोटो रिकभर गरिदिने दाबी गर्ने अनुप्रयोगहरू र सफ्टवेयर सयौं छन् । तीमध्ये कुनै सफ्टवेयरले केही सीमित संख्यामा मात्र हटेका फोटो रिकभर गर्न सहयोग गर्छन् भने कुनैले सबै हटेका फोटोहरूको लिस्ट आएपछि तिनलाई रिकभर गर्न 'प्रिमियम लाइसेन्स' किन्न लगाउँछन् । यसै यता र उता गर्दा गर्दै समयमात्रै खेर जान्छ ।
कुनै पनि प्रकारको झन्झट नगरी, निःशुल्क रूपमा आफ्नो एन्ड्रोइड फोनबाट हटेका फोटोहरू रिकभर गर्ने तरिका भनेको 'डिगडिप इमेज रिकभरि' एप्स प्रयोग गर्नु हो ।
'डिगडिप इमेज रिकभरि' एक फ्री एप्स हो, जुन 'गुगल प्ले स्टोर' बाट निःशुल्क रूपमा डाउनलोड गर्न सकिन्छ । यस एप्सले कुनै पनि एन्ड्रोइड फोनमा डिलिट भएका फोटो, फोनको इन्टर्नल मेमोरी र एसडी कार्डभित्र खोज गर्छ, र तिनलाई रिकभर गर्न सहयोग गर्छ ।
यस एप्सको प्रयोग साह्रै सजिलो छ । गुगल प्ले स्टोरमा गएर 'डिगडिप इमेज रिकभरि' लेखेर सर्च गरी डाउनलोड गरेर इन्स्टल गर्न सकिन्छ । यो एप्स खोल्नेबित्तिकै सबैभन्दा पहिले रिकभर गर्न सकिने फोटोहरू को खोज गर्न थाल्छ । जति धेरै फोटो, उति नै धेरै समय । सर्च समाप्त भएपछि, केही फोल्डरहरू प्रस्तुत हुन्छन्, जहाँ भित्र रिकभर गरिन सकिने फोटो समावेश गरिएको हुन्छ ।
तिनै फोल्डरहरूभित्र गएर आफूलाई चाहिने फोटोहरूको खोजी गरी रिकभर गर्न मन लागेका फोटोहरूलाई 'चेक' अप्सन लगाएर अन्ततः 'रिस्टोर' गर्न सकिन्छ । यसरी, आफ्नो एन्ड्रोइड फोनबाट डिलिट भएका फोटो सजिलै पुनः प्राप्त गर्न सकिन्छ । यस एन्ड्रोइड एप्सको प्रयोग सामान्य मोबाइलकर्तालाई समेत मध्यनजर गरेर बनाइएको हुन्छ ।
यो खबर पढेर तपाईलाई कस्तो महसुस भयो ?
Related Posts
