नेपाल टेलिकमको सिम प्रयोगकर्ताहरुले अब हिमालयन बैंकको मोबाइल बैंकिङ एप निःशुल्क चलाउन पाउने भएका छन् । नेपाल टेलिकम र हिमालयन बैंकबीचको सहकार्यमा हिमालयन बैंकका ग्राहकले सो बैंकको एप निःशुल्क चलाउन सक्ने व्यवस्था गरिएको टेलिकमले जनाएको छ ।
यसका लागि केही दिनअघि चैत २० गते नेपाल टेलिकमको तर्फबाट प्रमुख व्यावसायिक अधिकृत संगीता पहाडी र हिमालयन बैंकको तर्फबाट नायब प्रमुख कार्यकारी अधिकृत उज्वल राजभण्डारीले सम्झौतापत्रमा हस्ताक्षर गरेका थिए ।
सम्झौतामा हस्ताक्षर गर्दै नेपाल टेलिकमका प्रमुख व्यावसायिक अधिकृत पहाडीले बैंकका मोबाइल एप प्रयोगकर्ताहरुको सहजताका लागि नेपाल टेलिकमले सहजीकरण गर्दै आएको बताइन् । अब, हिमालयन बैंकका ग्राहक पनि लाभान्वित हुने उनको भनाइ छ ।
यस्तै, हिमालयन बैंकका नायब प्रमुख कार्यकारी अधिकृत भण्डारीले ग्राहकहरुलाई सुविधाहरु दिने कार्यमा नेपाल टेलिकमसँगको सहकार्यले महत्वपूर्ण भूमिका खेल्ने विश्वास व्यक्त गरेका छन् ।
यो खबर पढेर तपाईलाई कस्तो महसुस भयो ?
Related Posts
