नेपालमा पहिलोपटक विद्युतीय हस्ताक्षर सुरु

• भरत राज उप्रेती /काठमाडौं

नेपालमा पहिलोपटक नेपाल सर्टिफाइंग कम्पनीद्वारा रास्ट्रपति कार्यालमा विद्युतीय हस्ताक्षरको सुरु भएको छ । बिद्युतीय हस्ताक्षर शुभारम्भमा राष्ट्रपति विद्यादेवी भण्डारी, प्रधानमन्त्री खड्ग ओली र सूचना सञ्चार तथा प्रविधि मन्त्री शेरधन राईलाई विद्युतीय हस्ताक्षर सहितको टोकन र प्रमाणपत्र नेपाल सर्टिफाइंग कम्पनीले प्रदान गरेको थियो ।

कार्यक्रममा बोल्दै राष्ट्रपतिले विद्युतीय हस्ताक्षरको उचित प्रयोग गरी सार्वजनिक सेवा प्रवाहलाई सुरक्षित विश्वसनीय र सहज हुने भएकोले विद्युतीय शुसासन प्रवर्द्धन गर्न यो प्रविधि कोशोंढुंगा सावित हुनेमा जोड़ दिनुभयो ।  

बिद्युतीय हस्ताक्षर शुभारम्भ कार्यक्रममा प्रधानमन्त्री केपी ओलीले विधुतीय विविधता र संक्रमणको चर्चा गर्दै सुरक्षित विद्युतीय कारोवारका लागी विद्युतीय हस्ताक्षरको महत्व बताउदै विद्युतीय हस्ताक्षरलाई नयाँ प्रविधिको संज्ञा दिदै यसबाट समयको वचत, विश्वसनीयता, स्तरीय र आधुनिक सेवासंगै सामाजिक रूपान्तरण समेत गर्न सकिनेमा दुबिधा नरहेको बताए ।

कार्यक्रममा संबोधन गर्दै नेपाल सर्टिफाइंग कम्पनीका प्रमुख संचालन अधिकृत नारायण न्यौपानेले विद्युतीय हस्ताक्षरका आवश्यकता, उपयोगिता तथा विशेषताबारे बताउदै विद्युतीय हस्ताक्षर र सो को प्रमाणपत्र प्रयोग गर्नाले विभिन्न किसिमका साइबर हमलाहरुबाट सुरक्षीत हुन सकिने कुरामा स्पष्ट पारे । न्यौपानेले नेपाल सर्टिफाइंग कम्पनीले प्रदान गर्ने विभिन्न तहका विद्युतीय हस्ताक्षर लगायत उपलब्ध अन्य सेवाहरु सार्वजनिक गर्दै सर्वसाधारणहरुलाई Class 2 Individual Certificate वितरण गर्ने तयारी पुरा भैसकेको समेत सबैलाई सोही बिद्युतीय हस्ताक्षर शुभारम्भ कार्यक्रममार्फत जानकारी गराएका छन् ।