Breaking News
नेपाल टेलिकमले नयाँ सामाजिक सञ्जालको रुपमा Meet संचालनमा ल्याएको छ। Meet को सहयोगले टेक्स्ट, फोटो, अडियो तथा भिडियोलाई एक अर्कामा सेयर गर्न सकिनेछ । त्यसैगरी कम्पनीका विभिन्न सेवाका बारेमा ग्राहकसँग आवश्यक अन्तरक्रिया समेत गर्न सकिनेछ । यसले कम्पनीका सेवाग्राही र कम्पनीका बीचमा सामाजिक सम्बन्ध विकास गराउने उद्देश्य लिइएको छ ।
कम्पनीले यसलाई www.meet.net.np डोमेन नेमको रुपमा दर्ता गरेको छ भने यसको ब्रान्ड नेम Meet रहनेछ । नेपाली भाषामा Meet को अर्थ भेट्नु हुने र सबै यही स्थानमा भेट हुने प्लेटफर्मको रुपमा यसलाई विकास गरिएको हो ।
नेपाल टेलिकमले आफ्ना विभिन्न किसिमका सेवाहरुलाई एउटै सिस्टममा आबद्ध गराउने उद्देश्य अनुरुप Unified Communication System (UCS) को रुपमा विकास गर्न ल्याइएको सेवा भएको कम्पनीले बताएको छ।
कम्पनीका मोबाइल (GSM/CDMA) मार्फत www.meet.net.np मा आफ्ना निश्चित विवरण भरी Register गरेर यो सेवा उपभोग गर्न सकिन्छ ।
नेपाल टेलिकमले यही सेवा मार्पmत ग्राहकलाई प्रतिदिन १० वटा SMS निःशुल्क दिने भएको छ । त्यसैगरी यो सेवा मार्फत् प्याकेजका रुपमा निश्चित शुल्क तिरेर एकै पटक धेरै संख्यामा SMS (Bulk SMS) पठाउन पनि सकिन्छ ।
यो साइटमा क्रमिक रुपमा ग्राहकका चाहना बमोजिम आगामी दिनमा अन्य सेवाहरु समेत उपलब्ध गराउदै जाने लक्ष्य रहेको पनि कम्पनीले बताएको छ।
यो खबर पढेर तपाईलाई कस्तो महसुस भयो ?
Related Posts
Recent Posts
इसेवाको पैसा एभरेष्ट बैंकको एटिएमबाट झिक्न सकिने
2 years ago
