Breaking News

बालबालिकालाई मोबाइल र टिभीबाट सुरक्षित कसरी राख्ने

Feb Tue 2020 05:40:35

1224 views

बालबालिकालाई मोबाइल र टिभीबाट सुरक्षित कसरी  राख्ने

प्रविधिको स्वस्थकर प्रयोगका लागि बेलुकी खानाको समय र सुत्ने समयमा मोबाइल फोनको प्रयोग निषेध गर्न ब्रिटेनका स्वास्थ्य प्रमुखहरूले सुझाव दिएका छन् ।

बालबालिकाहरूलाई एक पटकमा दुई घण्टाभन्दा लामो समय मोबाइल फोन वा टिभी हेर्न दिनु उचित छैन । उनीहरूले प्रविधि कम्पनीहरूलाई बालबालिकालाई सुरक्षित राख्न थप सावधानी अपनाउन पनि भनेका छन् ।

बालबालिकालाई सुरक्षित र स्वस्थ राख्न अभिभावकले गर्नसक्ने केही स्पष्ट कदमहरू छन्।

ती हुन्:

खाना खाने टेबुलमा मोबाइल फोन वर्जित गर्ने – परिवारसँगको कुराकानी बालबालिकाको विकासका लागि महत्त्वपूर्ण हुन्छ।

शयनकक्षबाट मोबाइल र टिभी टाढा राख्ने

परिवारमा इन्टरनेटका जोखिमहरू र बालबालिकाले समस्या परेमा के गर्ने भनेर छलफल गर्ने

सडक काट्दा वा सवारी हाँक्दा मोबाइल फोन प्रयोग नगर्ने

दुई घन्टाभन्दा लामो समय मोबाइल वा टिभी लगातार प्रयोग नगर्ने

अभिभावकले आफ्नो प्रयोग पनि नियन्त्रण गर्ने – अभिभावकले बालबालिकालाई समय दिनु आवश्यक हुन्छ ।

अभिभावकले बालबालिकासँग भएको बेलामा आफूले मोबाइल प्रयोग नगरी बालबालिकासँग खेल्ने लगायतका काम गर्ने ।

मोबाइल र टिभीको सट्टा पुस्तक र अन्य रमाइला पाठ्यपुस्तक वा खेलकुदका सामाग्रीहरुको यथेष्ट व्यवस्था गर्ने

यो खबर पढेर तपाईलाई कस्तो महसुस भयो ?