काठमाण्डौं । आठवटा कम्पनीहरुले प्रभावित स्थानीय तथा सर्वसाधारणका लागि सेयर निस्कासनको अनुमति माग्दै धितोपत्र बोर्डमा निवेदन दिएका छन् । करोडौंको सेयर निस्कासन गर्न लागेका यी कम्पनीहरुको १ अर्ब रुपैयाँ बराबरको सेयर खुल्ने भएकोछ ।
सेयर निस्कासनको अनुमति माग्दै धितोपत्र बोर्डमा आएका कम्पनीहरु यस प्रकार छन् :
अरुण काबेली पावर– यो कम्पनीले सर्वसाधारणका लागि १५ करोड रुपैयाँ बराबरको सेयर निस्कासन गर्न लागेको छ। कम्पनीले प्रबद्र्धकका रुपमा सिद्धार्थ क्यापिटल रहेको छ ।
हिमालयन पावर पार्टनर– यो कम्पनीले १० करोड ६५ लाख रुपैयाँको सेयर सर्वसाधारणलाई निस्कासन गर्नका लागि बोर्डमा निवेदन दिएको छ। यसको सेयर प्रबद्र्धकका रुपमा ग्लोबल आईएमई क्यापिटल रहेको छ।
ग्रिन डेभलपमेन्ट बैंक– बागलुङ जिल्लामा मुख्य कार्यालय रहेको यसले १० करोड रुपैयाँ बराबरको सेयर जारी गर्दैछ भने एनआईबीएल क्यापिटलले मुख्य प्रबद्र्धकको जिम्मेवारी लिएको छ।
सिनर्जी पावर डेभलपमेन्ट– कम्पनीले ७ करोड रुपैयाँ बराबरको सेयर निस्कासन गर्ने छ। स्थानीयहरुका लागि कम्पनीले यो सेयर जारी गर्ने भएको हो। १० मेगावाट विद्युत क्षमता रहेको दोलखाको सिप्रिङ खोला हाइड्रोमा कम्पनीको लगानी रहेको छ। सेयर निस्कासनको मुख्य प्रबद्र्धक सिभिल क्यापिटल मार्केट रहेको छ।
न्याग्दी हाइड्रोपावर– यो हाइड्रोको ९ करोड ७३ लाख रुपैयाँको सेयर सर्वसाधारणका लागि खुल्नेछ। कम्पनीले लमजुङ जिल्लामा ३० मेगावाट क्षमताको विद्युत आयोजनामार्फत विद्युत उत्पादन गर्नेछ।
खानीखोला हाइड्रोपावर– ९ करोड ३१ लाख रुपैयाँको सेयर सर्वसाधारणका लागि जारी गर्नका लागि यसले सिभिल क्यापिटल मार्केटलाई प्रबद्र्धकका रुपमा छनोट गरेको छ । कम्पनीले ललितपुरको भट्टेडाँडाबाट २ मेगावाट विद्युत र ठोस्ने खोलाबाट ४ दशमलव ३६ मेगावाट विद्युत उत्पादनमा गरेकोछ ।
नेसनल माइक्रोफाइनान्स– धादिङ स्थित राष्ट्रियस्तरको यो लघुवित्तले ३ करोड रुपैयाँ बराबरको सेयर दिने छ। कम्पनीले प्रबद्र्धकका रुपमा एनआईबीएल क्यापिटलसित सम्झौता गरेको छ।
सूर्योदय लघुवित्त– स्याङ्जामा रहेको यसले सर्वसाधारणका लागि १ करोड २० लाख रुपैयाँको सेयर दिन लागेकोछ । ग्लोबल आईएमई क्यापिटल प्रबद्र्धकका रुपमा रहेको छ।
यो खबर पढेर तपाईलाई कस्तो महसुस भयो ?
Related Posts
