नेशनल माईक्रोको तीन लाख कित्ता साधारण शेयर आइपिओ निश्काशन

सर्बसाधारणले ५० कित्ता देखि १० हजार कित्तासम्म प्रति कित्ताको एक सय रुपैयाँ बराबरको रकम बुझाई आबेदन गर्नसक्ने भएका छन् । एनआईबीएल क्यापिटल यस शेयरको निश्काशनकर्ता तथा बिक्री प्रबन्धक रहेको छ ।

आबेदन पत्र ईन्भेष्टमेन्ट बैंक, नेशनल माईक्रोफाईनान्सका शाखा कार्यालयहरु, सिनर्जी फाईनान्स, गोर्खाज फाईनान्स र साझा बिकास बैंकका शाखा कार्यालयहरुबाट प्राप्त गरी रकमसहित बुझाउन सकिने जनाईएको छ ।

धादिड.मा कार्यालय रहेको राष्ट्रियस्तरको नेशनल माईक्रोफाईनान्सले आफ्नो १० करोड चुक्ता पूँजी मध्ये ३० प्रतिशत अर्थात तीन लाख कित्ता सर्बसाधारणमा जारी गर्न लागेको हो । नेपाल ईन्भेष्टमेन्ट बैंक, कुमारी बैंक लगायतका ७ वटा बैंक तथा बित्तीय संस्थाहरु प्रबद्र्धक रहेको कम्पनीको अध्यक्षमा अर्थ मन्त्रालयका पूर्व सल्लाहकार केशवप्रसाद आचार्य हुनुहुन्छ । कम्पनीले गत आर्थिक बर्षको अन्त्यसम्म २ करोड ३२ लाख खुद नाफा गरेको र चालु आर्थिक बर्षमा ४ करोड खुद नाफा नघाई कम्तिमा १३ प्रतिशत प्रतिफल दिनसक्ने आँकलन प्रस्तुत गरेको छ ।

कम्पनीको अबस्था राम्रो भए पनि सर्वसाधारणमा जारी गरिएको शेयर संख्या कम भएकाले धेरै आबेदन पर्नसक्ने र चिठ्ठा प्रणालीबाट बाँडफाँड गर्नुपर्ने अबस्था आउने पक्का छ । तसर्थ एउटै आबेदनमा धेरै रकम फसाउनु भन्दा सन्तुलित हिसावले सहभागिता जनाएर आबेदन गर्नु उचित हुने देखिन्छ । यसअघि शेयर निश्काशन गरेका साना कम्पनीहरुको शेयर बाँडफाँड चिठ्ठा प्रथाबाट हुँदै आएको र १० वटा आबेदन मध्ये मुस्किलले एउटालाई मात्र १० कित्ता शेयर परेको देखिएको छ ।