काठमाडौं । पछिल्लो समय बाणिज्य बैंकहरु धमाधम सेयरधनीहरुलाई हकप्रद सेयर दिएर पुँजी बढाउनतिर लारिहेका छन् । राष्ट्र बैंकले मौद्रिक नीति मार्फत बैंकहरुको पुँजी २०७४ असार मसान्त सम्ममा ८ अर्व पुर्याउन निर्देशन दिएपछि बाणिज्य बैंकहरुले सेयरधनीहरुलाई धमाधम हकप्रद सेयर दिइरहेका छन् ।
नेपाल धितोपत्र बोर्डमा अहिलेसम्म हकप्रद सेयर निस्कासनको लागि आवेदन नदिएका केही बैंकको साधारणसभाबाट निर्णय पारित भइसकेको छ । केहीले पुँजी बृद्धि योजनामा हकप्रद निस्कासनलाई समेटेका छन् । हेर्नहोस् कुन कुन बैंकले कति हकप्रद सेयर निष्कासन गर्दैछन् ।
एनआईसी एसिया बैंक ःएनआईसी एसिया बैंकको हकप्रद सेयरका लागि बिक्री खुला छ । आगामी असार १५ गतेसम्म लगानीकर्ताले आफूसँग भएकोबाट २५ प्रतिशतसम्म सेयरका लागि आवेदन दिन सक्ने छन् । अर्थात ४ बराबर १ को अनुपातमा हकप्रद सेयर बिक्री खुला भएको हो। सो बैंकको ९२ करोड ३७ लाख ५४ हजार रुपैयाँको ९२ लाख ३७ हजार ५ सय ४० कित्ता हकप्रद सेयर निस्कासन भएको छ । सिभिल क्यापिटल मार्केट यसको बिक्री प्रबद्र्धकका रुपमा रहेको छ । वैशाख मसान्तभित्र सेयर खरिद गरेका लगानीकर्ताले हकप्रद सेयरको लागि आवेदन दिन सक्ने छन् ।
सिटिजन्स बैंकः सिटिजन्स बैंकले असार ५ गतेदेखि साउन ९ गतेसम्म हकप्रद सेयरको बिक्री खुला गरेको छ । बैंकले १० बराबर ५.५ को अनुपात अर्थात ५५ प्रतिशत हकप्रद सेयर निस्कासन गर्ने भएको छ । बैंकको १ अर्ब ६८ करोड ५५ लाख रुपैयाँ बराबरको १ करोड ६८ लाख ५५ हजार कित्ता हकप्रद निस्कासन हुने छ। जेठ २३ गतेसम्म सेयर किन्ने सेयरहोल्डरले हकप्रदका लागि आवेदन दिन सक्ने छन् । सानिमा बैंकःसानिमा बैंकले २ बराबर १ अर्थात ५० प्रतिशत हकप्रद सेयर निस्कासन गर्ने भएको छ । सो बैंकले आगामी असार १२ देखि साउन १६ गतेसम्म बिक्री खुला हुने सूचना सार्वजनिक गरिसकेको छ । नविल इन्भेष्टमेन्ट बैंकिङ सेयर बिक्री प्रबद्र्धकका रुपमा रहेको छ । बैंकको १ अर्ब ५३ करोड १ लाख ४४ हजार रुपैयाँको १ करोड ५३ लाख १ हजार ४ सय ४० कित्ता हकप्रद सेयर निस्कासन हुन लागेको हो । जेठ २४ गतेसम्म सेयर किनेका आवेदकले हकप्रदका लागि आवेदन गर्न सक्ने छन् ।
हिमालयन बैंकः हिमालयन बैंकले ७ बराबर १ को अनुपातमा हकप्रद सेयर निस्कासन गर्ने भएको छ । बैंकको ६४ करोड २७ लाख ३५ हजार रुपैयाँ बराबरको ६४ लाख २७ हजार ३ सय ५० कित्ता हकप्रद सेयर निस्कासन हुने छ । बैंकको हकप्रद सेयर निस्कासनको बिक्री प्रबद्र्धकको रुपमा लक्ष्मी क्यापिटल मार्केट रहेको छ ।
मेगा बैंक ः मेगा बैंकले ४ बराबर १ को दरले हकप्रद सेयर निस्कासन गर्ने भएको छ । ८१ करोड १ लाख रुपैयाँ बराबरको ८१ लाख १ हजार ४ सय ३८ कित्ता हकप्रद सेयरका लागि बैंकले आवेदन दिएको छ । ग्लोबल आईएमई क्यापिटल हकप्रद सेयर निस्कासनको बिक्री प्रबद्र्धकका रुपमा रहेको छ ।
प्राइम कमर्सियल बैंकः जेठ १६ गते कम्पनीले बोर्डमा ३ बराबर १ को अनुपातमा हकप्रद सेयर निस्कासनको लागि आवेदन दिएको छ । १ अर्ब २३ करोड ५० लाख ८७ हजार ४ सय रुपैयाँ बराबरको १ करोड २३ लाख ५० हजार ८ सय ७४ कित्ता सेयर निस्कासन हुने भएको छ । बैंकको हकप्रद सेयर बिक्री प्रबद्र्धकका रुपमा सिभिल क्यापिटल रहेको छ ।
माछापुच्छ्रे बैंकःमाछापुच्छ्रे बैंकले २ बराबर १ को दरले हकप्रद सेयर निस्कासनको निर्णय गरेको छ । जनता बैंकसँग मर्जमा जाने प्रक्रिया विफल भएपछि बैंकले ५० प्रतिशत हकप्रद निस्कासन गर्ने निर्णय गरेको हो । वैशाख २६ गते पोखरामा बसेको बैंकको साधारणसभा बैठकले यो निर्णय पारित गरेको हो । बैंकले १ अर्ब ९३ करोड रुपैयाँ बराबरको १ करोड ९३ लाख कित्ता हकप्रद सेयर निस्कासन गर्ने छ । कृषि विकास बैंकः कृषि विकास बैंकले २ बराबर १ अर्थात ५० प्रतिशत हकप्रद सेयर दिने निर्णय गरेको छ । जसमा १ करोड ९६ लाख ८८ हजार रुपैयाँको हकप्रद सेयर जारी हुने छ । वैशाख १४ गते बसेको बैंकको नवौं साधारणसभा बैठकले ५० प्रतिशत हकप्रद सेयर दिने निर्णय गरेको हो । यसबाट २ लाख लगानीकर्ताहरु लाभान्वित हुने छन् । बैंकको पुँजी संरचनामा ६ अर्ब ४३ करोड सरकारको र ३ अर्ब ९३ करोड ७६ लाख सर्वसाधारणको लगानी छ ।
लक्ष्मी बैंकःलक्ष्मी बैंकले १ बराबर १ को अनुपात अर्थात शत प्रतिशत हकप्रद सेयर निस्कासन गर्ने तयारी गरेको छ । ३ अर्ब ३ करोड ९२ लाख २९ हजार रुपैयाँ बराबरको ३ करोड ३ लाख ९२ हजार २ सय ९० कित्ता हकप्रद सेयर निस्कासन गर्ने छ । बैंकको संचालक समितिको बैठकबाट १ बराबर १ को दरले हकप्रद सेयर निस्कासन गर्ने निर्णय भएको छ।
प्रभु बैंकः मर्जपछिको प्रभु बैंकले २० प्रतिशत हकप्रद सेयर निस्कासन गर्ने भएको छ । ६४ करोड १७ लाख ७७ हजार रुपैयाँको ६४ लाख १७ हजार ७ सय ७० कित्ता सेयर बैंकले निस्कासन गर्ने छ । चुक्ता पुँजी बृद्धिको योजनामा बैंकले यो हकप्रद निस्कासनको लक्ष्य राखेको छ ।
सेन्चुरी कमर्सियल बैंकः यो बैंकले कुल १ अर्ब ३८ करोड २२ लाख ४० हजार रुपैयाँको १ करोड ३८ लाख २२ हजार ४ सय कित्ता हकप्रद सेयर निस्कासन गर्ने भएको छ । एक चरणमा ५३ करोड रुपैयाँ बराबरको र अर्को चरणमा ८५ करोड २२ लाख ४० हजार रुपैयाँ बराबरको हकप्रद निस्कासन बैंकको लक्ष्य रहेको छ ।
सनराइज बैंकः यो बैंकले कुल ३६ करोड ९० लाख ४७ हजार रुपैयाँको ३६ लाख ९० हजार ४ सय ७० कित्ता हकप्रद सेयर निस्कासन गर्दै छ । बैंकले चुक्ता पुँजी बृद्धिको योजनामा ३६ लाख ९० हजार ४ सय ७० कित्ता हकप्रद निस्कासन गर्ने जनाएको छ।
