काठमाडौं – चीनबाट अनुदानमा आएको पेट्रोल विहिवारबाट बाढ्ने सरकारी सूचना सार्वजनिक भएलगत्तै वुधवार विहानैदेखि काठमाडौंका सबै पेट्रोलपम्पमा सवारीसाधनको लाइन शुरु भयो । विहिवार दिउँसोबाट पेट्रोलपम्पले पेट्रोल वितरण शुरु गरेका थिए । तर, पेट्रोल भर्नेको लाइन यति धेरै थियो कि मध्यरातसम्म पनि सर्वसाधरण खाई नखाई लाइनमा उभिएका थिए । डिएनएन फोटो पत्रकार अशोक दुलाल मध्यरातमा लाइन बसेका सर्वसाधरणका दु:ख खोज्दै थिए । लाइनमा बसेर मात्र पेट्रोल पाइने अबस्था पनि थिएन, त्यस अगाडि पम्पबाट कुपन लिन आबश्यक थियो । कुपन ल्याएकाले त पेट्रोल पाए, कुपन नलिइ लाइनमा बसेका भने मध्यरातमै पेट्रोल नभरी खाली सवारीसाधन लिएर घर फर्कन बाध्य भए । कुपन लिएका मोटरसाइकललाई पाँच लिटर पेट्रोल दिइएको थियो । यही पाँच लिटर पेट्रोल लिन सर्वसाधरण दुई दिनदेखि लाइनमा बसेका पनि भेटिए । सरकारले तिहारलाई लक्षित गरि विहिवारबाट तीन दिन नीजि सवारीसाधनलाई पेट्रोल दिने योजना बनाएको थियो । पेट्रोल भर्न राजधानीका सडकमा राखिएका सवारीसाधन र लाइन बसेका सर्वसाधरणलाई मध्यरातमा क्यामाराको लेन्सबाट हेर्दा यस्तो देखियो :
- News & Photo Source: Ratopati.com
यो खबर पढेर तपाईलाई कस्तो महसुस भयो ?
Related Posts
