योविभिन्न माध्यममा प्रकाशित समाचार एकै थलोमा मोबाइलमा हेर्न उपयोगी ‘नयाँ न्यूज’ एपको विकास भएको छ । एपको प्रयोगबाट एन्ड्रोइड र आईओएस स्मार्टफोनमा विभिन्न अनलाइन तथा पत्रपत्रिकामा प्रकाशित समाचार हेर्न सकिन्छ । अनलाइन प्रयोगकर्ताले कम समयमा धेरै समाचार एकै ठाउँबाट पढ्न सकुन भन्ने हेतुले नयाँ यात्रा प्रालिले ‘नयाँ न्यूज’ एपको निर्माण गरेको जनाएको छ । यो एपले सबै समाचारलाई एउटै प्लेटफर्ममा ल्याउँछ । यसले पाठकलाई विभिन्न अनलाइन तथा पत्रपत्रिकाका समाचार फरक फरक ठाउँमा खोजी पढ्नुपर्ने झण्झटबाट मुक्त गर्ने विश्वास निर्माताको रहेको छ । ‘नयाँ न्यूज’ एपमा समाचार आफै वर्गीकरण गरिने भएकाले आफ्नो रुची तथा आवश्यकता अनुसार समाचार खोज्न र पढ्न सजिलो छ । राजनीतिक, सामाजिक, खेल, आर्थिक वा अरु कुनै विषयमा भएका वर्गीकरण अनुसार समाचार पढ्न सकिनेछ । यो एपको मुख्य विशेषता भनेको यसले समाचारको गुणस्तरलाई बढी महìव दिन्छ । गुणस्तर नभएका समाचार क्रमशः लिस्टमा पछि पर्दै जाने विशेषता रहेको छ । साथै यो एपको अर्को विशेषता भनेको सबै समाचारमा त्यस समाचारसँग सम्बन्धित विषयमा लेखिएका समाचारको वर्गीकरण तथा अन्य स्रोतमा सम्बन्धित समाचारको विकल्प समावेश गर्नु हो । - अजय शर्मा
यो खबर पढेर तपाईलाई कस्तो महसुस भयो ?
Related Posts
