हार्दिक बधाई तथा शुभकामना क्यान महासंघका नवनिर्वाचित अध्यक्ष हेमन्त चौरासियाको टीमलाई

  क्यान महासंघको २४ औं साधारण सभाबाट CAN Federation को १३  औं कार्यसमितिको अध्यक्ष पदमा निर्विरोध निर्वाचित हुनु भएकोमा हेमन्त चौरासिया लाई हार्दिक बधाई तथा सफल कार्यकाल को लागि शुभकामना । नवनिर्वाचित अध्यक्ष हेमन्त चौरासियाले महासंघलाई एकताबद्ध गर्दै संगठन निर्माण गर्ने र ग्रामीणस्तरमा सूचना सञ्चार प्रविधिको विकास, विस्तार र प्रवद्र्धनमा योजनावद्ध योजनासहित कार्यक्रम ल्याउने बताए । त्यस्तै निवर्तमान अध्यक्ष बिनोद ढकालले क्यानलार्इ यो उचाइमा आफ्नो नेतृत्वलाई सबै कार्यसमितिका सदस्यहरुले सहयोग र साथ दिएकोमा आभारसहित धन्यवाद दिए ।

क्यान महासंघमा हेमन्त चौरासियाको अध्यक्षतामा १३औं नयाँ कार्यसमिति चयन

क्यान महासंघ (कम्प्युटर एशोसिएन अफ नेपाल) को २४ औं साधारण सभाले हेमन्त चौरासियाको अध्यक्षतामा नयाँ कार्यसमिति चयन गरेको छ   । क्यानको २४औं साधारणसभा एवं महाधिवेशनबाट संगठनको १३औं कार्यसमितिको अध्यक्षमा चौरासिया निर्विरोध निर्वाचित भएका हुन् । यसअघि उनि प्रथम उपाध्यक्षको रुपमा कार्यरत थिए । नयाँ पदाधिकारी तथा कार्य समिती सदस्यहरुलाई बधाई तथा शुभकामना केन्द्रीय समिति निर्विरोध चयन भएको क्यानको उपाध्यक्षमा संस्थागततर्फबाट विश्वराम बलामी, संस्थागत (महिला) बाट सुनैना पाण्डे घिमिरे, व्यक्तिगततर्फबाट रोमकान्त पाण्डे र(जिल्ला)अन्तर्गत नवराज कुँवर निर्विरोध निर्वाचित भएका छन् । त्यसैगरी क्यानको महासचिवमा रञ्जित पोदार निर्विरोध निर्वाचित भएका छन् । महासंघको नयाँ कार्यसमितिको पदाधिकारीअन्तर्गत सचिव पदमा जिल्लाअन्तर्गत जगनबहादुर गुरुङ निर्विरोध निर्वाचित भएका छन् । थप सचिव पदअन्तर्गत केन्द्रीय कार्यसमिति सदस्यहरुको भोटबाट डा. पवनकुमार शर्मा (व्यक्तिगत) र नारायणबहादुर थापा (संस्थागत) निर्वाचित भएका छन् । त्यसैगरी क्यानको कोषाध्यक्षमा  खुशल रेग्मी र सहकोषाध्यक्षमा शेखरनाथ दुलाल निर्विरोध निर्वाचित भएका छन् । क्यानको केन्द्रीय सदस्यहरुमा व्यक्तिगत, संस्थागत, विषयगत र जिल्लाशाखाबाट निर्विरोध निर्वाचित भएका छन् । यसअन्तर्गत रेगबहादुर भण्डारी, सुभाष खड्का, रत्नतारा वैद्य, श्रवणकुमार श्रेष्ठ, घनश्याम खनाल, विक्रम श्रेष्ठ, अमित अग्रवाल, डा. अभिजित गुप्ता, उमेश रघुवंशी, अस्गर अली, अरुणकुमार वंशल, प्रशान्तलाल श्रेष्ठ, चिरञ्जिवी अधिकारी, ठाकुरराम श्रेष्ठ, दीपेश पाठक, भुपालदास श्रेष्ठ, दीपेन्द्रकुमार सिंह, श्यामकल श्रेष्ठ, अशोकबाबु राना, ईश्वरप्रसाद पोखरेल, भुपेन्द्रसिहं बली, दलबहादुर खड्का, हर्कबहादुर सेटी र प्रेमराजा पनेरु निर्विरोध निर्वाचित भएका छन् ।