टाइमलाइनमा तेस्रो अपहरण
अपहरणको आरोपमा पक्राउ परेका दुबैले तेस्रो निशानाकारुपमा सम्झनाको अपहरण गर्न सफल भएको अनुसन्धानमा खुलेको छ। अदालतले फागुन २९ गते बिनिताका पति प्रकट भन्ने बिष्णु भण्डारीसँग चोरी मुद्दामा दुई लाख ५० हजार धरौटी मागेपछि दुबै अपहरणको योजनामा उदयपुरसम्म पुगेको अनुसन्धान खुलेको हो। प्रहरीका अनुसार देवर र भाउजु २९ गते राति नै विनिताकी आफन्तकै सन्तानलाई अपहरणको निशाना बनाएर उदयपुर गाईघाट पुगेका थिए। तर उदयपुरमा निशाना बनाएका बालक ठूलो भएको र कराउने डरले फागुन ३० गते काठमाडौं फर्किएका थिए।
पक्राउ परेका विनिता र भिमसेनलाई सार्वजनिक गर्दै प्रहरी
उदयपुरमा अपहरणको योजना असफल भएपछि प्रकटकै आफन्त अपहरणका लागि दुबैजनाले फागुन ३० गते महाराजगञ्जमा दोस्रो प्रयास गरेका थिए। महाराजगञ्जमा बालक सानो भएको र लुकाउन अप्ठयारो हुने भएपछि दोस्रो प्रयाससमेत असफल भएको हो। कारागारमा रहेका पतिलाई फागुन २८ गते भेटेकी विनिताले त्यसपछि आवश्यक रकम जुटाउन अपहरण नै सरल माध्यम देखेको प्रहरी अनुसन्धानमा खुलेको हो। तेस्रो प्रयासमा भिमसेन र विनिताले आफैँ हेरचाह गर्दै आएकी आठ वर्षीया सम्झनालाई निशाना बनाएर अपहरण गरी एकरात दुई दिन बन्धक बनाएका थिए।
