हिमालयन बैंक कर्मचारी सङ्गठनले बैंकको ३०औं वार्षिकोत्सवको अवसरमा बृहत रक्तदान कार्यक्रम सम्पन्न गरेको छ। बैंकको प्रधान कार्यालय परिसर, कमलादी काठमाडौंमा २०७९ माघ ७ गते शनिबारको दिन उक्त रक्तदान कार्यक्रम गरेको हो। रक्तदान जीवन दान भन्ने मुल कुरालाई मनन गरी उक्त रक्तदान कार्यक्रम आयोजनामा भएको थियो । रक्तदान कार्यक्रममा करिब १ सय जना जति कर्मचारी सहभागी भएको कर्मचारी संगठनका अध्यक्ष सुवास भण्डारीले जानकारी दिएका छन् ।
उक्त रक्तदानका कार्यक्रममा बैंकका उपत्यकाका भित्र र बाहिरका गरी २०० जना भन्दा बढी कर्मचारीहरूको उपस्थिति रहेको थियो । जसमा बैंकका उच्च तहका कर्मचारीहरूको समेत सहभागीता रहेको थियो भने रक्तदान कार्यक्रमलाई बैंक व्यवस्थापनले पूर्ण रुपमा सहयोग प्रदान गरेको थियो ।
बैंकले आफ्नो सामाजिक उत्तरदायित्व अन्र्तगत कर्मचारी संगठनले गर्दै आएको विभिन्न सामाजिक कार्यक्रमहरूमा प्रत्यक्ष रुपमा सहकार्य र सहयोग गर्दै आइरहेको छ । बैंकको देशभर ८० शाखा, १६० भन्दा बढी एटिएम, ५००० भन्दाबढी पीओएस टर्मिनल साथै एक्टेन्सन काउन्टरमार्फत ग्राहकहरुलाई वित्तीय सेवा दिदै आइरहेको छ।
यो खबर पढेर तपाईलाई कस्तो महसुस भयो ?
Related Posts
