आइसिटी डे २०७५ मा सूचना प्रविधि विषयक अन्तरक्रिया तथा आइसिटी सम्मान कार्यक्रम सम्पन्न

 ICT DAY 2018 मा आइसिटी क्षेत्रमा योगदान पुर्याउने शुरेश पुडासैनी, दिनेश कुमार शर्मा र विश्वास ढकाल सम्मानित

- सबु बस्नेत, काठमाडौं नेपाल सरकार सञ्चार तथा सूचना प्रविधि मन्त्रालयको तर्फबाट २०१८ मे २ मा नेशनल आइसिटी दिवस २०७५ मनाइएको छ । २०७५ बैशाख १९ गते बुधबार मई २ को अवसर पारेर आइसिटी डे २०१८ प्रभातफेरि कार्यक्रमको आयोजना गरी मनाइएको हो । प्रभातफेरि कार्यक्रममा सूचना प्रविधि बिभाग, क्यान महासंघ लगायतका आइसिटी कम्पनी संघ संस्था, विज्ञ एवं आइसिटी अग्रजहरुको सहभागीता रहेको थियो । आइसिटी डे २०७५ को अवसरमा समृद्ध नेपालका लागि सूचना प्रविधिको प्रयोग विषयक छलफल तथा अन्तरक्रिया समेत आयोजना भएको थियो । अन्तरक्रिया कार्यक्रमका प्रमुख वक्ता सञ्चार तथा सूचना प्रविधि राज्यमन्त्री गोकुल बास्कोटाले सूचना प्रविधि क्षेत्रमा रचनात्मक र गुणात्मक काम गर्नुपर्नेमा जोड दिनुभयो । आइसिटी इनोभेटिभ कामलाई सरकारले सहयोग गर्ने प्रतिबद्धता व्यक्त गर्दै बाँस्कोटाले सबै सरकारी तथा नीजि संस्थाहरुलार्र्इ सूचना प्रविधि मार्फत अगाडी बढ्न आब्ह्वान समेत गरे । अन्तरक्रियामा प्रो.डा. ज्योति तण्डुकारले आइसिटी इनोभेसनमा काम गर्न सकिने वातावरण बनाउदै लैजानुपर्नेमा जोड दिनुभयो । प्रधानमन्त्रीका सल्लाहकार अश्कर अलीले समृद्ध नेपालका लागि एकीकृत डाटा प्रणाली अगाडी बढिसकेकको बताउनुभयो । त्यस्तै डियवाल्कका रुद्र पाण्डेले सफ्टवेयर, शिक्षा र पर्यटनको माध्यमबाट समृद्ध देश बनाउन सकिने तर्क प्रस्तुत गर्नुभएको थियो । आइसिटी डे २०१८ को अन्तरक्रिया कार्यक्रम सकिएसँगै सूचना प्रविधि क्षेत्रका ३ जना हस्तीहरुलाई सम्मानित गरियो । सम्मानित हुनेमा शुरेश पुडासैनी, दिनेश कुमार शर्मा र विश्वास ढकाल रहेका छन् । सूचना प्रविधिको क्षेत्रमा महत्वपूर्ण योगदान पुर्याएवापत उहाँहरुलाई नेपाल सरकारले सम्मान गरेको हो । यस वर्षको आइसिटी डे २०१८ को अन्तरक्रिया तथा सम्मान कार्उक्रम सञ्चार तथा सूचना प्रविधि मन्त्रालयका सचिव महेन्दमान गुरुङको अध्यक्षतामा सञ्चालन भएको थियो । सचिव गुरुङले सरकारले नयाँ सूचना प्रविधि ऐन ल्याउने अन्तिम तयारी गरिरहेको बताए । साथै नयाँ ऐनमा सूचना प्रविधिलार्इ पहिलो प्राथमिकतामा राखिएको उहाँले जानकारी गराए ।