पुँजी बढाउन २० वाणिज्य बैंक मर्जरमा जाने

काठमाडौं । २० वटा वाणिज्य बैंक मर्जरमा जाने भएका छन् । राष्ट्र बैंकले तोकेको चुक्ता पुँजी पुर्‍याउन मर्जरमा जाने भएका हुन् । राष्ट्र बैंकले दिएको समयसीमाभित्रै पुँजी बृद्धिको योजना पेश गर्दै २० वाणिज्य बैंकले मर्जरमा जाने ९ वाणिज्य बैंकले मर्जरमा नगई पुँजी पुर्‍याउने योजना पेस गरेका छन् । मर्जर, बोनस सेयर र हकप्रद सेयरमार्फत राष्ट्र बैंकले तोकेको चुक्ता पुँजी पुर्‍याउने बैंक तथा वित्तीय संस्थाहरुले पेस गरेको पुँजी वृद्धिको योजनामा उल्लेख छ । संस्थाहरुले पेस गरेको योजनामाथि राष्ट्र बैंकले अध्ययन गर्ने र सोही अनुसारको थप निर्देशन दिने राष्ट्र बैंकका उच्च अधिकारीहरु बताउँछन् । ‘अव्यवहारिक योजना पेस गर्ने संस्थालाई राष्ट्र बैंकले थप दबाब दिने छ’ स्रोतले भन्यो । पूँजी बृद्धिको योजना बुझाउनु पर्ने अन्तिम दिनमात्रै ६ बाणिज्य बैंकले बुझाएका थिए । ९ बैंकले मर्ज तथा एक्वाएरको प्रस्ताव नगरेको राष्ट्र बैंक स्रोतले जानकारी दियो । स्ट्याण्डर्ड चार्टर्ड, नेपाल एसवीआई, बैंक अफ एशिया, नविल, इन्भेष्टमेन्ट बैंक, ग्लोवल आईएमइल र प्रभु बैंकले बोनस सेयर जारी गर्ने योजना पेस गरेका छन । बोन सेयरबाट नपुगेको पुँजी हकप्रद सेयरबाट पुर्‍याउने उनीहरुको योजना छ । एभरेष्ट बैंकले पुँजी वृद्धिको मुख्य आधार बोनस सेयर, एक्वाएर तथा मर्ज र हकप्रद सेयर जारी पुँजी बढाउने उल्लेख छ । राष्ट्रिय वाणिज्य बैंकले पुँजी प्रयाप्त छ भने कृषि विकास बैंकले पि्रफेरेन्स सेयरलाई साधारण सेयरमा परिवर्तन गर्ने जनाएको छ । नेपाल बैंकले भने हकप्रद सेयर जारी गरी पुँजी वृद्धि गर्ने योजना पेश गरेको छ । प्रभु बैंकले ग्राण्ड बैंक एक्वाएर गर्ने प्रक्रियामा रहेको उल्लेख गरेको छ । ग्राण्ड बैंकले भने पुँजी वृद्धिको कुनैपनि योजना पेश गरेको छैन । राष्ट्र बैंकले गत साउन ७ गते सार्वजानिक गरेको मौदि्रक नीतिमार्फत ०७४ असार मसान्तभित्र वाणिज्य बैंकहरुले चुक्ता पुँजी ८ अर्ब, राष्ट्रियस्तरका विकास बैंकहरुको चुक्ता पूजी २ अर्ब ५० करोड र राष्ट्रियस्तरका फाइनान्स कम्पनीको चुक्ता पूजी ८० करोड रुपैयाँ हुनै पर्ने घोषणा गरेको थियो ।

बैंक	चुक्ता पुँजी	अठ अर्ब पुर्याउन थप्नु पर्ने पुँजी
नेपाल बैंक	६ अर्व ४६ करोड	१ अर्ब ५४ करोड
राष्ट्रिय वाणिज्य बैंक	८ अर्ब ५८ करोड	थप्नु नपर्ने
कृषि वकास बैंक	९ अर्ब ६३ करोड	थप्नु नपर्ने
नबिल बैंक	३ अर्ब ६५	४ अर्ब ३५ करोड
इन्भेष्टमेन्ट बैंक	४ अर्ब ७७ करोड	३ अर्ब २३ करोड
स्टान्डर्ड चाटर्ड बैंक	२ अर्ब २४ करोड	५ अर्ब ७६ करोड
हिमालयन बैंक	३ अर्ब ३३ करोड	४ अर्ब ६७ करोड
नेपाल एसबिअाइ बैंक	३ अर्ब ५ करोड	४ अर्ब ९५ करोड
नेपाल बंगलादेश बैंक	२ अर्ब ४३ करोड	५ अर्ब ५७ करोड
एभरेष्ट बैंक	२ अर्ब १३ करोड	५ अर्ब ८७ करोड
बैंक अफ काठमाण्डू	२ अर्ब १२ करोड	५ अर्ब ८८ करोड
एनसीसी बैंक	२ अर्ब १ करोड	५ अर्ब ९९ करोड
कुमारी बैंक	२ अर्ब ४३ करोड	५ अर्ब ५७ करोड
लक्ष्मी बैंक	२ अर्ब ३३ करोड	५ अर्ब ६७ करोड
सिद्वार्थ बैंक	२ अर्ब ३ करोड	५ अर्ब ९८ करोड
सिटिजन्स बैंक	२ अर्ब ५५ करोड	५ अर्ब ४५ करोड
प्राइम बैंक	३ अर्ब १४ करोड	४ अर्ब ८६ करोड
सनराइज बैंक	२ अर्ब २३ करोड	५ अर्ब ७७ करोड
ग्राण्ड बैंक	२ अर्ब	६ अर्ब
एनएमबी बैंक	२ अर्ब ४० करोड	५ अर्ब ६० करोड
जनता बैंक	२ अर्ब ६ करोड	५ अर्ब ९४ करोड
मेगा बैंक	२ अर्ब ६० करोड	५ अर्ब ४० करोड
सेञ्चुरी बैंक	२ अर्ब १२ करोड	५ अर्ब ८८ करोड
सानिमा बैंक	२ अर्ब ५५ करोड	५ अर्ब ४५ करोड
माछापुछ्रे बैंक	२ अर्ब ७७ करोड	५ अर्ब १३ करोड
एनअइसी एसिया बर्ंक	२ अर्ब	६ अर्ब
ग्लोबल अइएमर्इ बैंक	५ अर्ब १ करोड	२ अर्ब ९९ करोड
सिभिल बैंक	२ अर्ब ८८ करोड	५ अर्ब १२ करोड
लुम्बिनी बैंक	२ अर्ब ६५ करोड	५ अर्ब ३५ करोड
प्रभू बैंक	३अर्ब २० करोड	४ अर्ब ८० करोड