Breaking News

कहाँ मोबाइल एप आयो, सबै ठाउँ ठेगानाको सम्पूर्ण जानकारी दिने यसका विशेषताहरु

May Sun 2021 09:19:02

1062 views

कहाँ मोबाइल एप आयो, सबै  ठाउँ ठेगानाको सम्पूर्ण जानकारी दिने  यसका विशेषताहरु

काठमाडौं । कहाँ मोबाइल एप सञ्चालनमा आएको छ । यो सरल नेपाली भाषामा बनाइएको मोबाइल एप हो र यसले कुनै पनि ठाउँ ठेगानाको सही जानकारी दिनेछ । कुनै ठाउँ, रेस्टुरेन्ट, घर, कार्यालय पुग्न तपाइँलाइ सम्बन्धित ब्यक्तिसँग सोध्नु पर्छ । तर कहाँ एपले तपाइँ हामीले खोजेको कुनै पनि ठाउँ ठेगाना बारेको सही जानकारी दिनेछ । कहाँ स्थानीयकण गरिएको एप हो । यसलाई प्रयोग गर्न निकै सजिलो छ । मेसोभिजन टेक्नोलोजीले विकास गरेको कहाँ एपले केहि क्लिकमै सोधिएका धेरै प्रश्नको उत्तर दिने छ । नेपालमा कोही कसैलाई घरमा बोलाउनु पर्यो भने पहिले त्यस ब्यक्तिको लोकेसन सोधेर सवारी साधनमा फलानो ठाउँमा झर्ने त्यहाँबाट दायाँ लाग्ने, यस्तो रंगको घर देखिन्छ, त्यसलाइ छाडेर अर्को गल्ली लाग्ने भन्दै धेरै ठाउँको अबस्था बर्णन गरेर बोलाउनु पर्ने अहिलेको अबस्था छ । अनलाइनबाट सामान किन्दा डेलिभरी गर्ने ब्यक्तिलाइ त्यसै गरी आफ्नो लोकेसन देखाउनु पर्ने अबस्था छ । यस्तो समस्यालाइ समाधान गर्न कहाँ एप सार्बजनिक गरिएको यस एपको विकासकर्ता नारायणाबहादुर क्षेत्रीले बताए । कहाँ एपमा ब्यक्तिगत ठेगाना र आफ्नो ब्यवसायलाइ सूचिकृत गराउन सकिन्छ । आफ्नो ब्यवसाय सूचिकृत गरेपछि यसमा ब्यवसायको ठेगाना, तस्बिर, उत्पादनहरूलाइ ब्यक्ति स्वयंले एपमा राख्न सक्छ । त्यसलाइ अरू कहाँ प्रयोगकर्ताहरूलाइ बाँड्न सकिन्छ । यस एपलाइ प्रयोगकर्ता मैत्री बनाइएको छ । यसमा सन्देश आदानप्रदानको सुविधासमेत छ । आफ्नो समुदायमा भएका असामान्य घटनाहरू जस्तै दुर्घटनाको स्थान, चोरी, आगलागीलगायतका, खतरनाक गतिविधिहरू रिपोर्ट गर्न यस एपलाइ प्रयोग गर्न सकिन्छ । ब्यक्तिगत प्रयोगकर्ताहरूलाई ठेगानाका लागि स्थायी ट्यागहरू दिइनेछ । ती निजी हुनेछन् । कहाँ एपबाट आफ्नो ठेगाना नजिकै पाइने बस्तु तथा सेवाको जानकारी समेत पाउन सकिन्छ । कहाँ एपले प्रदान गर्ने ट्यागहरूमार्फत नजिकका, पसल, ग्यासँ डिपो, बालुवा डिपो, ब्युटीपार्लर, बार्वर सपलगायतका स्थानहरू खोज्न सकिन्छ । यसमा होटेल, रिसोर्ट्स, गेस्टहाउस, विद्यालय, कलेजहरू र शैक्षिक सेवाजस्ता स्थायी ट्यागहरू त्यसमा हुनेछन् । 

यो खबर पढेर तपाईलाई कस्तो महसुस भयो ?