आईफोनको चार्ज लामो समयसम्म टिकाउने उपायहरु

कहिलेकाँही कुनै काम गर्दा आईफोनको ब्याट्री सकिने र त्यसले काममा असर गर्ने जस्ता समस्या तपाईले भोग्नु भएको होला । एक्टिभ आईफोन प्रयोग र ब्याकग्राउण्डको गतिविधिले पनि तपाईको ब्याट्रीमा असर गर्छ अनि चार्ज छिटो सकिन्छ ।

आज हामीले तपाईको यही समस्यालाई हल गर्न केही उपाय लिएका आएका छौं, जसले तपाईको आईफोनको ब्याट्री लामोसमयसम्म टिकाउन सहयोग गर्छ । 

तपाईको स्क्रीन ब्राइटनेसलाई म्यानेज गर्नुहोस् 

ब्राइटनेस धेरै भयो भने यसले छिटो ब्याट्री खपत गर्छ । त्यसकारण आईफोनमा ब्राइटनेस कम गर्न कन्ट्रोल सेन्टर खोल्नुहोस् (फेस आईडीको साथ आइफोनको टप दाँयाबाट तल स्वाइप गर्नुहोस् वा होम बटन छ भने तलबाट माथि स्वाइप गर्नुहोस्) र ब्राइटनेस स्लाइडरलाई ड्रयाग डाउन गर्नुहोस् ।

अटो ब्राइटनेस डिसेबल गर्नाले पनि ब्याट्री बचतमा मद्दत पुग्न सक्छ । अन्यथा यसले आवश्यक पर्दा तपाईको स्क्रीनको ब्राइटनेस अटोमेटिक बढाउनेछ ।

अटो ब्राइटनेस अफ गर्न सेटिङमा गएर एसेसिबिलिटीमा जानुहोस् । त्यसपछि डिस्प्ले एण्ड टेक्स्ट साइजमा जानुहोस् र स्क्रोल गर्नुहोस् । अनि अटो ब्राइटनेस डिसेबल गर्नुहोस् ।

डिसबेल गरेर यसलाई तपाईले अझै राम्रोसँग व्यवस्थापन गर्न आवश्यक छ भन्ने कुरा दिमागमा राख्नुहोस् । लोमोसमयसम्म आफ्नो फोनलाई हाई ब्राइटनेसमा नछोड्नुहोस् । 

डार्क मोड प्रयोग गर्नुहोस् 

ओएलईडी डिस्प्ले भएको फोनका लागि डार्क मोडमा प्रयोग गर्नु ब्याट्री जोगाउने अर्को उपाय हो । आईफोन एक्स, आईफोन एक्स एस/एक्सएस म्याक्स, आईफोन ११ प्रो/प्रो म्याक्स, आईफोन १२ र आईफोन १३ मा ओएलईडी डिस्प्ले प्रयोग गरिएको छ । यी मोडेलहरू प्रयोग गर्नुहुन्छ भने ब्याट्री जोगाउन डार्क मोडमा स्विच गर्नुहोस् ।

ओएलइडी डिस्प्लेले व्यक्तिगत पिक्सेलहरू बन्द गर्न सक्षम छ । यसको अर्थ कुनै पनि कालो पिक्सेलले उज्यालो हुन पावर लिदैन् । डार्क मोड अन गर्न आईफोनमा सेटिङमा गएपछि त्यहाँ डिस्प्ले र ब्राइटनेसमा जानुहोस् । अनी डार्क मोडमा ट्याप गर्नुहोस् । 

कम पावर मोडमा प्रयोग गर्नुहोस् 

मोबाइलको ब्याट्री लाइफ बचाउन यो फिचर एकदमै राम्रो छ । जब तपाई ‘लो पावर मोड’ प्रयोग गर्नुहुन्छ तब आईफोनका केही सुविधा चल्दैनन् । जस्तै अटोमेटिक डाउनलोड, आईक्लाउड ब्याकअप, इमेल फेचिङ, हे सिरी आदि ।

तपाईको फोनको ब्याट्रीको लेभले २० वा १० प्रतिशत झर्दा लो पावर मोडमा स्विच गर्न चाहनुहुन्छ की भनेर खोध्ने पनि गर्दछ । तर तपाई सेटिङको ब्याट्री अप्सनमा गएर लो पावर मोडको टगल अन गर्नुभयो भने यो फिचर म्यानुअल्ली प्रयोग गर्न सक्नुहुन्छ । कन्ट्रोल सेन्टरबाट पनि यो फिचर प्रयोग गर्न सकिन्छ ।

 पुश अफ गर्नुहोस् र म्यानुअल्ली इमेल पाउनुहोस् 

तपाईले दैनिक रुपमा धेरै ईमेलहरु प्राप्त गर्नुहुन्छ भने तपाईले आफ्नो डिभाईसमा मेसेज अपडेट गर्ने पुस सिंकलाई बन्द गर्नुपर्ने हुन्छ । यसको सट्टा प्रयोगकर्ताले इमेल आउने समय तालिका राखेर त्यही समयमा मात्रै इमेल पाउने सेट गर्न सक्छन् ।

तपाईले आफै समयसमयमा गएर मेल चेक गरेर पनि हेर्न सक्नुहुन्छ जसले गर्दा तपाईले नहेरेसम्म मेल आफै सिंक हुँदैन् । यो केही प्रयोगकर्ताका लागि भने हल्का झन्झटिलो हुन सक्छ तर आईफोन चार्ज हुने बित्तिकै वा ब्याट्री कम नभएको समयमा पहिलेकै जस्तै सेटिगंमा गएर मिलाउन सकिन्छ ।

यो सुविधा प्रयोग गर्न शुरूमा सेटिङमा जानुहोस् । त्यसपछि मेलमा गएर अकाउन्टमा क्लिक गर्नुहोस् र फेच न्यु डेटामा क्लिक गर्नुहोस् ।

अनि माथि पुश अप्सन देखाउँछ त्यसलाई अफ गर्नुहोस् र म्यानुअल्लीमा ट्याप गर्नुहोस् वा सेड्युलमा राख्नुहोस् । यसपछि फेचबाट म्यानुअलमा परिवर्तन गर्न सूचीमा रहेका प्रत्येक खातामा ट्याप गर्नुहोस् । 

अटोलकको टाइमआउट कम गर्नुहोस् 

अटोलक फिचर मोबाइलको एउटा यस्तो सुविधा हो, जसले आईफोन नचालइरहेको बेला निश्चित समयपछि मोबाइल लक गर्दछ । ३० सेकेण्डदेखि ५ मिनेटसम्म समय यसमा छनोट गर्न सकिन्छ ।

यदी तपाई ब्याट्रीको लाइफ बढाउन चाहनुहुन्छ भने अटोलकको समय कम गर्नुहोस् । अटोलक अन गर्न शुरूमा सेटिङमा जानुहोस् । त्यसपछि डिस्प्ले एण्ड ब्राइटनेस अप्सनमा गएर अटोलक फिचर अन गर्न सकिन्छ । 

ब्याट्री खेर जान नदिनुहोस् 

आईफोनले कुन एपले धेरै ब्याट्री खपत गर्छ भनेर डेटा संकलन गर्ने गर्दछ । यो चेक गर्नका लागि शुरूमा सेटिङमा गएर ब्याट्रीमा जानुहोस् । जसले गएको २४ घण्टा र १० दिनमा कुन एपले कति ब्याट्री खपत गर्‍यो भनेर देखाउछ ।

यदी एपको नाम अन्तर्गत ब्याकग्राउण्ड एक्टिभिटी देख्नुहुन्छ भने यसको मतलब तपाईले सक्रिय रूपमा एप प्रयोग नगर्दा पनि ब्याट्री खपत भइरहेको छ ।

यसलाई रोक्नका लागि मोबाइलको सेटिङमा जानुहोस् । त्यसपछि जनरलमा जानुहोस् र ब्याकग्राउण्ड एप रिफ्रेसमा क्लिक गर्नुहोस् । सबै एपहरूले स्क्रीन अन राख्दा ब्याट्री खपत गर्छन् । भिडियो स्ट्रिमिङ र हेभि गेम्स जस्ता एपले छिटो ब्याट्री खपत गर्छन् । 

नोटिफिकेसन कम गर्नुहोस् 

जब तपाईमा फोनमा नोटिफिकेसन प्राप्त गर्नुहुन्छ । जसले ब्याट्री खपत गर्छ । यो व्यवस्थापन गरेर पनि तपाई ब्याट्रीको लाइफ बढाउन सक्नुहुन्छ । तपाईका लाहि कुन एपको नोटिफिकेसन महत्वपूर्ण छैन्, त्यो निर्णय गर्नुहोस् र त्यसको नोटिफिकेसन बन्द गर्नुहोस् ।

यसका लागि शुरूमा सेटिङमा जानुहोस् । त्यसपछि नोटिफिकेसनमा जानुहोस् । कुन एपको नोटिफिकेसन बन्द गर्नु पर्ने हो त्यो एप छनोट गर्नुहोस् र ‘अलो नोटिफिकेसन’ टगललाई अफ गर्नुहोस् । यदी तपाई नोटिफिकेसन अफ गर्न चाहनुहुँदैन् भने आईफोनमा ‘डु नट डिस्टर्ब’ अन गर्नुहोस् ।

यसले पनि नोटिफिकेसनलाई डिभाइसमा आउनबाट रोक्दछ । तपाईलाई एक्सट्रा ब्याट्री चाहिएको अवस्थामा यो फिचर प्रयोग गर्न सक्नुहुन्छ ।